Урд хилийн боомтуудыг богино хугацаанд ногоон бүс болгохоор бүрэн хөл хорио тогтоосон гэдгийг Сангийн сайд Б.Жавхлан хэллээ. Урд боомтын бүсүүдэд коронавирусийн халдвар илэрсэнтэй холбоотойгоор түр хугацаанд хөл хорио тогтоожээ.
Ялангуяа голомтын эх үүсвэр болсон Улаанбаатар хотоос боомтууд руу хүн зөөвөрлөхгүй байх, тэдгээрийг богино хугацаанд ногоон бүс болгох талаар яаралтай арга хэмжээ авахаар УОК өчигдөр орой хуралдсан байна. Хуралдаанаар урд хилийн боомтуудад бүрэн хөл хорио тогтоох шийдвэр гаргажээ.
Түүхий эд нүүрс болон эрдэс баялаг ачсан тээврийн хэрэгслүүдийг Хятадын тал хүлээж авахгүй байгаа аж. Харин БНХАУ-аас наашаа орж ирж байгаа тээврийн хэрэгслийн хөдөлгөөн нээлттэй. Тийм учраас бараа хомстол үүсэх эрсдэл байхгүй гэдгийг тэрбээр онцоллоо.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.