"ДЭЗЭРЭТ" Олон улсын энэрлийн байгууллага Эрүүл мэндийн яаманд хандив өглөө
"Дэзэрэт" Олон улсын энэрлийн байгууллага нь хүндэрсэн өвчтөнүүдэд нэн шаардлагатай Favirulz, Remdac эм болон тариаг өчигдөр (2021.4.27) Эрүүл мэндийн яаманд хандивлалаа. Эрүүл мэндийн дэд сайд М.Баттүвшин нийгмийн хариуцлагын хүрээнд тусламж болгож хэрэгцээ шаардлагатай эм, тариаг хандивласан "ДЭЗЭРЭТ" Олон улсын энэрлийн байгууллагад баярласан талархсанаа илэрхийлж цаашдын ажилд нь амжилт хүслээ.
1992 оноос хойш үйл ажиллагаа явуулж байгаа . Үүнээс 25 мянган ам.долларыг ХӨСҮТ-д 10 ширхэг өвчтөний ор хандивлажээ. Мөн Ховд, Дархан, Сэлэнгэ, Эрдэнэт, Мөрөн, Дорноговь, Өвөрхангай аймгуудад АШУҮИС-ийн эрдэмтдийн багийн бүтээсэн шүлснээс коронавирус оношлуурыг, хамгаалах хувцас хэрэгслийг илгээжээ. Түүнээс гадна ХӨСҮТ-д хэвтэн эмчлүүлж байгаа хүмүүсийн хоолны чанарыг сайжруулах зорилгоор 25 мянган ам.долларын үнэ бүхий гал тогооны тоног төхөөрөмжийг нийлүүлнэ гэлээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.