Гашуунсухайт дахь бөмбөлөг тээврийн жолооч нараас ДОХ-ын сэжигтэй тохиолдол илэрсэн талаар өчигдөр /2022.06.07/ мэдээлсэн.
Тэгвэл эл мэдээллээ дахин лавлаж, баталгаажуулах шинжилгээний хариу гарсан эсэхийг ХӨСҮТ-ийн ДОХ/БЗДХ-ын тандалт судалгааны албаны дарга Ж.Даваалхамаас тодрууллаа. Тэрээр “Гашуунсухайтаас ирсэн нэг сорьцын баталгаажуулах шинжилгээний хариу эерэг гарсан. Бид хавьтал тогтоох, судлах ажлыг үргэлжлүүлж байна. Үүнээс дэлгэрэнгүй мэдээлэл өгөх боломжгүй” гэв.
Эрүүл мэндийн сайд С.Энхболд Зариг.мн сайтад өгсөн мэдээлэлдээ “Гашуунсухайт боомтын ажилчид, жолооч болоод энгийн иргэдээс ч БЗХӨ-ий шинжилгээг авдаг. Тандалт шинжилгээгээр нэг иргэнээс ДОХ-ын сэжигтэй тохиолдол илэрсэн. Ямар алба хашдаг, энгийн иргэн байсан эсэх хувь хүний нууцтай холбоотой мэдээллийг хэлэх боломжгүй” хэмээжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.