Мягмар гарагт нийтлэгдсэн хамгийн сүүлийн үеийн мэдээллээр одоогоор Их Британийн 12.6 сая гаруй иргэн Файзер болон Астразеника вакцины анхны тунг аваад байна. Үүнд, 80-аас дээш насныхны 90 гаруй хувь нь хамрагджээ.
Хоёрдугаар сарын 15-ны дотор 15 сая хүнийг дархлаажуулах зорилт тавин, эхний ээлжинд хамгийн эмзэг бүлэг, тэдний асран хамгаалагчдыг хамруулах болно. Үүний дараа Их Британид сүүлийн нэг сарын хугацаанд хэрэгжиж байгаа гуравдахь удаагийн хөл хориог цуцлах талаар хэлэлцэнэ. Хөл хорионы улмаас тус улсын эдийн засаг сүүлийн 300 жилд байгаагүйгээр унаад байна.
Гуравдугаар сарын 8-аас эхлэн сургуулиуд дахин нээгдэж, хөл хориог дэс дараатайгаар цуцлах ажээ. Хэдийгээр Их Британи вакцины хэрэглээ, хамрагдалтаараа дэлхийд тэргүүлж байгаа ч энэ нь шинэ төрлийн коронавирусын эсрэг үр дүн үзүүлж, хамгаалж чадах эсэх нь эргэлзээтэй хэвээр байгаа юм.
Өмнөд Африкаас гаралтай хамгийн хүнд хэлбэрийн Коронавирусын халдвараар урьдчилан сэргийлж чадна гэсэн мэдэгдлийг Английн нийгмийн эрүүл мэндийн газарөнгөрсөн долоо хоногт гаргасан. Зарим эрдэмтдийн үзэж байгаагаар шинэ төрлийн коронавирус (Өмнөд Африкаас гаралтай) Их Британид илүү өргөн тархсан тул хөл хориог цуцлах нь энэ бүх хичээл зүтгэлийг үгүй хийж магадгүй гэж санаа зовж байна.
Их Британийн хоёр вакцины бодит үр дүн нь Засгийн газар хөл хориог хэрхэн хурдан бууруулахыг тодорхойлоход чухал үүрэг гүйцэтгэнэ.
Эх сурвалж: Fortune
2021.03.02
Файзер вакцины нэг тун нь коронавирусын халдвараас 65 хувь хамгаалж байна гэж Их Британийн Засгийн газар мэдээллээ
Их Британийн вакцинжуулалтын хөтөлбөрөөс харахад вакциний эхний тун нь халдвар авах эрсдлийг залуучуудын дунд 65%-иар, 80-аас дээш насныханд 64%-иар бууруулсан үр дүн харуулсан болохыг мэдээллээ.
The Sun сонины мэдээллээс харахад Файзер вакциний хоёр тунгийн хамгаалах чадвар нь наснаас хамаарч 79%-84% хүртэл өссөн байна. Астразеника вакцин нь үүнтэй ижил төстэй үр дүнг санал болгодог гэж өгүүлжээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.