Д.Ганхуяг: Түүхэн ойнуудын давхцал, уулзвар дээр генерал цол хүртсэндээ баяртай байна
БХЯ-ны Төрийн нарийн бичгийн дарга, бригадын генерал Д.Ганхуяг: "Та бүхний энэ өдрийн амар амгаланг айлтгая. Батлан хамгаалах яамны 110, орчин цагийн Зэвсэгт хүчин үүсэж хөгжсөний 100, цэргийн эрхэм дээд цол болох генерал цол олгож эхэлсний 77 жил гээд түүхэн ойнуудын давхцал, уулзвар дээр генерал цол хүртсэндээ баяртай байна.
Хүний амьдралд хэзээ ч мартагдашгүй, дурсамж дүүрэн үйл явдал олон тохиодог. Миний хувьд 1999 онд БХИС-ийг онц дүн, улаан дипломтой төгсөөд тухайн үеийн Ерөнхийлөгч Н.Багабанди гуайгаас шинэхэн дэслэгч дипломоо гардан авч байлаа. Тэр цаг мөчөөс буюу сонсогчийн казарам, оюутны ширээнээс ажил амьдралын их талбарт хөл тавьж Батлан хамгаалах, Зэвсэгт хүчиндээ 26 жил хоёргүй сэтгэлээр хөдөлмөрлөн өнөөдөр Монгол Улсын Ерөнхийлөгч, Зэвсэгт хүчний Ерөнхий командлагчийн 39 дүгээр зарлигаар цэргийн дээд цол хүртлээ. Энэ өдөр бол миний амьдралд бас нэг тод өнгө нэмсэн, том дурсамж хадгалсан мартагдашгүй өдрүүдийн нэг байх нь гарцаагүй.
Мэдээж . Тийм учраас салбарынхаа төлөө өөрт байгаа бүхий л боломжоо дайчлан ажиллах болно. Батлан хамгаалах, Зэвсэгт хүчин бол энхийн цагт үүргээ нэр төртэй гүйцэтгэхийн зэрэгцээ эх орны энх цагийн бүтээн байгуулалтад голлох үүрэгтэй оролцож байна. Тэр ч чанараараа манай салбарын боловсон хүчнүүд чадварлаг гэдгээ батлан харуулж байгаа юм. Тэгэхээр энэ салбараар овоглож яваа хэн бүхэнд зангидсан гар шиг байж, хамтдаа илүү ихийг бүтээхийн төлөө ажиллацгаая гэж уриалъя."
Эх сурвалж: Соёмбо сонин
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.