Цензүргүй яриа нэвтрүүлгийг эргэж нээх үү?
Олон хүмүүст энэ нэвтрүүлэг үгүйлэгдсээр байгаа нь дамжиггүй. Монголын сэтгүүл зүйн салбарт баримтат, эрэн сурвалжилсан нэвтрүүлгээр өөрийн байр суурийг дархалж, гэрэл гаргаж 9 жил болсоны эцэст нэг л өдөр "Цензүргүй зодог тайлж байна" гэж хэлээд одсон сэтгүүлч Мөнхбаясгалан өчигдөр өөрийн цахим хуудастаа доорх бичвэрийг нийтэлжээ.
Л.Мөнхбаясгалан: "Ерөнхий сайд асан Норовын Алтанхуягийн бичсэн бодит баримтат “Шударга бусын хонгил” ном, түүхч Д.Өлзийбаатар гуайн бичсэн “Лхүмбийн хэрэг “ номтой агаар нэг юм. Хоёулаа баримтат, хоёулаа хэлмэгдсэн золгүй хүмүүсийн тухай. Гэхдээ цаг хугацаа нь өөр. Лхүмбийн хэрэг 1930-1937 оны хэлмэгдүүлэлтийн он цагт өрнөсөн бол “Шударга бусын хонгил” 21-р зууны ардчилсан Монгол улсад 2012-2017 онд өрнөжээ. 2017 онд Ц.Элбэгдорж ерөнхийлөгчөөс бууснаар сая 2018 онд тэдгээр аймшигт хүмүүс эрх мэдлээсээ хагацжээ... Үнэн бөгөөд аймшигт түүх!!! Ямар олон хүн амь амьдралаараа тоглуулж вэ? Хүргэн хэмээн цоллогддог Г.Дэнзэн хэмээх хайран залуу...санаа алдалт багадана.
Г.Дэнзэнг гадаад руу оргон зайлсан гээд бөөн шуугиан дэгдэж, Дэнзэн ч оргоогүй эргэн ирээд бүр “Цензургүй яриа” нэвтрүүлэгт ярилцлага өгнө гэж зарлангуут нь түүнийг хорьчихсон юм. Г.Дэнзэн хориход өлсгөлөн зарлаж ходоодныхоо талыг тайруулж цөсөө авахуулжээ. Түүнийг хоёр удаа хорьж эцэст нь Элбэгдорж зайлснаар хэрэг нь хэрэгсэхгүй болжээ... Г.Дэнзээн.... хэдийгээр “Цензургүй яриа“ зогссон ч хоёулаа заавал нөхөж ярилцнаа.
Урьсан нь үнэн, урилга авсан нь үнэн ч шударга бусын хонгилоор зочныг минь чирч хэлмэгдүүлээд хорьчихсон цаг үе түүх болон үлджээ.... Нөхөж ярилцья. Дурын нэг янхан хүртэл “Цензургүйд намайг урьж дахин нээх гэж байна“ гэж хуцаж болдог орчлонд уригдсан ч хоригдсон зочныхоо төлөө, энэ хэлмэгдүүлэлтийн үнэнийг мэдүүлэхийн төлөө эфирээ дахин нэгэнтээ нээж яагаад болохгүй гэж...
Энэ номыг уншиж дуусаад Н.Алтанхуягийн “болохгүй бол би өөрөө орж алалцья” гэж хэлсэн үг аргагүй юм байна гэж бодлоо. Ийм амьдралыг туулсан хүн алалцах ч багадна шүү!" гэжээ.
Сэтгэгдэл2
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.