Өнөөдөр Steppe Gold компани 2021 оны нэгдүгээр улиралд ямар ч алт олборлоогүй хэмээн мэдэгдлээ
Монгол дахь ATO уурхайд цаг агаарын хүйтрэлээс шалтгаалж хүдэр хуулалт болон алт олборлолт хийгдсэнгүй. Ирэх өвөл буюу 2021-2022 оны өвлийн хүйтэн цаг уураас шалтгаалж олборлолтоо зогсоохгүйн тулд олборлолтод ашигладаг усыг халаах үйлдвэр ашиглалтанд орж байгаа гэв. Steppe Gold компаний эхний 3 сарын борлуулалтын орлого 2021 оны 3 дугаар сарын 31-нд 1,634,000 ам.доллар байв. Энэ нь 945 oz (1 oz=28.35 грам) алт, 861 oz мөнгийг 1 oz нь 1,938 болон 26 ам.доллараар тус тус борлуулсан орлого юм.
Эхний 3 сард 170,130 тн хүдэр олборлосон, 189,283 тн хүдрийн овоолго бэлдсэн, дунджаар 1 тн хүдэр тутмаас 1.91 гр алт, 10.1 гр мөнгө олборложээ. 4 дүгээр сарын эхнээс хүдэр хуулалт болон олборлолтыг эрчимжүүлж сарын сүүлээр нэлээд хэмжээний алт олборложээ. 2021 ба 2022 онуудад жилд 50,000 oz олборлолт хийнэ. 2023 оноос чулуун хүдрийн олборлолт руу шилжинэ гэв.
Гэхдээ жилийн олборлолтын төлөвлөгөөг биелүүлэх нь ковид-19-тэй холбоотойгоор уурхайн худалдан авалтанд учрах саад бэрхшээлээс ихээхэн хамаарна гэж тайлбарлав. Олборлолтонд ашигладаг химийн бодисын нийлүүлэлт тогтворгүй байгаа бөгөөд энэ нь удаан үргэлжлэх тусам 2021 оны төлөвлөсөн олборлолт буурна хэмээн компани мэдэгдэв.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.