Хөшигтийн хөндийн дагуул хот байгуулахаар 19390.4 га газрыг улсын тусгай хэрэгцээнд авахаар болсон. Түүнтэй холбоотойгоор Барилга, хот байгуулалтын сайдын 2021 оны 160 дугаар тушаалаар ажлын хэсэг байгуулагдсан.
Захиргааны шийдвэрийн нөлөөлөлд өртөж байгаа ААН-дэд шийдвэрийн талаар мэдээлж, тайлбар санал авах үйл ажиллааг зохион байгуулах хуультай. Тиймээс ажлын хэсэг үйл ажиллагааны явцын талаар Барилга, хот байгуулалтын яамнаас мэдээлэл хийлээ.
Өнөөдрийн байдлаар Хөшигтийн хөндийд 3173 иргэн, ААН газар эзэмшин ашиглаж байна. Эдгээр иргэд, ААН-ын өмчилж буй газартай холбоотой асуудлыг Газрыг улсын тусгай хэрэгцээнд авах журмын дагуу чөлөөлөх үйл ажиллагааг хийхээр болсон байна. Өөрөөр хэлбэл газрыг газрыг нөхөн олговортойгоор солих, хууль бус газар олголтыг цуцлах арга хэмжээг зохион байгуулна.
Одоогоор дээрх бүсэд 137 нь ямар нэгэн байгууламжтай байна. Хууль зөрчсөн, зориулалтын бусаар ашигласан, төлбөрөө төлөөгүй гэх зэрэг зөрчилтэй 76 газар эзэмшлийн гэрээг хүчингүй болгоод байна. Хүчингүй болгох арга хэмжээ цаашид үргэлжилнэ. Газар чөлөөлөлтийг хийхдээ нөхөн олговрын талаар иргэдтэй тохиролцоно гэсэн мэдээллийг өглөө.
Дүрсний эх сурвалж: Sonin.mn
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.