Замын хөдөлгөөний нөхцөл байдал, осол зөрчлийн талаар Замын цагдаагийн газраас мэдээлэв. Улсын хэмжээнд энэ оны эхний дөрвөн сарын байдлаар нийт 975,717 зөрчил бүртгэгджээ. Үүнээс 881,553 буюу 89.4 хувийг Замын хөдөлгөөний аюулгүй байдлын тухай хууль, тогтоомж зөрчсөн зөрчил эзэлж байгаа гэдгийг тус албанаас хэллээ.
Энэ үеэр Тээврийн цагдаагийн албаны Замын цагдаагийн газрын дэд дарга, хурандаа Б.Батболд замын хөдөлгөөний аюулгүй байдал болон холбогдох хууль, тогтоомж зөрчсөн зөрчлийн тоон мэдээллийг танилцуулсан юм.
Харин нийслэлд 175,055 буюу 59.2%, орон нутагт 706,498 буюу 44.4%-аар тус тус зөрчил нэмэгджээ.
Энэ төрлийн зөрчлийг илрүүлж, шийдвэрлэснээс 864,339 хүнд 247,000 тэрбум төгрөгийн торгууль шийтгэлийг оногдуулсан. Түүнчлэн 14,051 хүний жолоодох эрхийг хасаж, 1,838 хүнийг шүүхийн шийдвэрээр 7-30 хоног баривчлуулах шийтгэл оногдуулсан.
Зам тээврийн ослын улмаас иргэн, аж ахуйн нэгж байгууллагад 8.9 тэрбум төгрөгийн хохирол учирснаас
Улсын хэмжээнд тээврийн хэрэгслийн хурд хэтрүүлсэн зөрчил 84,842 байгаа бол хамгаалах бүс хэрэглээгүй зөрчил 46,079 гарсан байна. Түүнчлэн явган хүний зам дээр зогссон 28,312 зөрчлийг илрүүлсэн байгаа.
Тээврийн цагдаагийн албанаас иргэд, жолооч нарын гаргаж буй зөрчлийг мэдээлэхдээ,
- Хөдөлгөөний чиглэл өөрчлөх
- Эгнээ байр эзлэх журам зөрчих
- Дугаарын хязгаарлалт
- Тэмдэг тэмдэглэгээний заалт
- Бүрэн бус тээврийн хэрэгсэл жолоодох гэх мэтчилэн зөрчил дийлэнх хувийг эзэлж байгаа аж.
Иймд жолоочид замын хөдөлгөөнд оролцохдоо тээврийн хэрэгслийн ашиглалтын журмыг сахиж, гэмт хэргээс урьдчилан сэргийлж, замын хөдөлгөөний дүрмийг баримтлахыг тус албанаас уриаллаа.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.