ОХУ-ын Гадаад хэргийн сайд Сергей Лавров Монгол Улсад ажлын айлчлал хийж байна.
С.Лавров Монгол Улсын Гадаад харилцааны сайд Б.Батцэцэгтэй хийсэн яриа хэлэлцээнийхээ дараах хэвлэлийн бага хурлынхаа үеэр “Барууныхан олон жилийн турш Украиныг илт Орост дайсагнасан неонацист улс болгож хувиргасан” гэж мэдэгдлээ.
Монгол Улсын Гадаад хэргийн сайдтай хийсэн хэлэлцээнийхээ дараа Сергей Лавров хурцадмал байдал урьд өмнө хэзээ ч байгаагүй өсөж буй шалтгаануудын талаар дэлгэрэнгүй тайлбарлав.
Оросын Гадаад хэргийн сайд АНУ болон түүний холбоотнууд амин хувиа хичээсэн асуудлаа бусад орны ашиг сонирхлыг хохироох замаар шийдвэрлэх хор хөнөөлтэйг онцолсон юм.
С.Лавров “Барууныхны энэ хандлагын хамгийн аюултай илрэлүүдийн нэг нь Оросын аюулгүй байдалд заналхийлэх зорилгоор Украиныг цэргийн түшиц газар, илт Орост дайсагнасан неонацист улс болгон хувиргах урт хугацааны үйл ажиллагаа юм” гэлээ.
ОХУ-аас НҮБ-д суугаа байнгын төлөөлөгч Василий Небензя хэлэхдээ “Барууны орнууд Украинд хүчирхийлэл, Орост дайсагнах байдлыг өдөөн хатгаж байна” гэсэн юм.
.jpg)
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.