Европын Комисс АНУ-ын “Johnson & Johnson” компанийн “Janssen” коронавирусний вакциныг Европын Холбооны /ЕХ/ орнуудад хэрэглэхийг зөвшөөрчээ. Энэ тухай Европын Эрүүл мэнд, хүнсний аюулгүй байдлын асуудал хариуцсан комиссар Стелла Кириакидис мэдэгдэв.
Бид вакцины нийлүүлэлтийг аль болох тасралтгүй байлгахын тулд компанитай үргэлжлүүлэн ажиллана" гэж тэрбээр твиттертээ бичжээ.
ЕХ-ны эрх баригчид 2021 онд вакцин худалдан авах гэрээг “Johnson & Johnson” компанитай хэдийнээ байгуулжээ. "Бидний захиалсан тунгийн тоог тооцож үзвэл 200 сая хүнийг вакцинжуулахад хүрэлцэнэ" гэж Европын Комиссын дарга Урсула фон дер Ляйен мэдэгдсэн байна.
Европын эмийн агентлагийн мэдээлснээр, уг вакцины үр дүн 67 хувь байгаа бөгөөд энэ нь АНУ, Өмнөд Африк, Латин Америкт 44 мянга гаруй хүн оролцсон эмнэлзүйн туршилтаар батлагдсан юм. Вакциныг 18-аас дээш насны хүмүүст хэрэглэхийг зөвлөсөн байна.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.