ХБНГУ-ын Lufthansa компани ажиллах хүн хүчний хомсдолтой байдлын улмаас ихэнхи нислэгүүдээ цуцалж байгаа тул тус компанийн нислэгээр дамжин аялах зорчигчид аяллын өдөр, цагаа нарийн тооцоолох шаардлага тулгараад байна.
Цар тахлын улмаас хоёр жилийн хугацаанд хаалгаа барьсан аялал жуулчлалын салбарын үйл ажиллагаа энэ жилээс сэргэж эхэллээ. Ийнхүү аялал жуулчлалын салбарт сэргэлт бий болж байгаатай холбоотойгоор агаарын тээврийн салбарын ачаалал огцом нэмэгджээ. Зарим улсын нисэх буудлууд энэ их өсөлтөд бэлэн биш байгаа аж.
Тухайлбал, Германы бүх нисэх буудал коронагийн дараах зуны нислэгт бэлэн бус байна.
Ажиллах хүчний хомсдолын улмаас нислэг саатах, зорчигчдын тээшийг олгохгүй удах зэрэг асуудал гарах болжээ. Франкфуртын нисэх буудал ажиллах хүч хүрэлцэхгүй байна гэсэн шалтгаанаар онгоц газардсанаас хойш хоёр цагийн дараа зорчигчдын ачаа тээшийг буулгасан байна.
Фрапорт Олон Улсын нисэх буудлын General Deputy Officer “Ковид-19 вирусын цар тахлын үед ажлаас чөлөөлөгдсөн ажилчид эргэж ажилдаа ороогүй, мөн зуны нислэгийн үеэр шинэ ажилчид авах боломжгүй байна” хэмээн мэдэгджээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.