АНУ-ын авиакомпаниуд 100,000 гаруй нислэгээ цуцлажээ

АНУ-ын авиакомпаниуд 100,000 гаруй нислэгээ цуцлажээ. Энэ зун агаарын тээврийн салбарт гамшигт үзэгдэл гэж хэлж болохоор нислэг саатал маш ихээр гарч байна.

АНУ-ын авиакомпаниуд энэ жил 100,000 гаруй нислэгээ цуцлажээ. Нислэг хяналтын FlightAware.com сайт Memorial Day буюу Дурсгалын баярын үеэр 30,000 нислэг цуцлагдсан тухай саяхан мэдээлжээ. Зорчигчдын тоо цар тахлын үеийн оргил хэмжээнд хүрэхээр нислэг саатал маш ихээр гарч байна. Нью-Йорк, Флорида муж орчмын нисэх буудлууд хуваарьт нислэгүүдийг хамгийн ихээр саатуулдаг 10 нисэх буудлын тоонд багтжээ. “Юнайтед Эйрлайнз” компанийн гүйцэтгэх захирал Скотт Кирби CNN сувагт өгсөн ярилцлагадаа “цаг агаарын таагүй байдал, зорчигч урсгалын ачаалал зэргээс шалтгаалан агаарын хөдөлгөөнийг удирдахад хүндрэл гарч байгаа” талаар дурджээ. Мөн FlightAware.com сайтын энэ оны 5-р сарын 28-наас 7-р сарын 13 хүртэлх хугацааны нислэг сааталд хийсэн анализ судалгааны дүнгээр АНУ-ын Newark, LaGuardia нисэх буудлууд хамгийн их нислэг цуцласан үзүүлэлттэй байжээ. Тухайлбал Newark нисэх буудлыг чиглэсэн нислэгийн 8 орчим хувь цуцлагдсан бол LaGuardia -руу үйлдэх нислэгийн 7 орчих хувь нь цуцлагдсан байна.

АНУ-ын хамгийн их нислэг цуцлаж байгаа Нисэх буудлууд:

1. Newark Liberty International Airport 7.9%

2. La Guardia Airport 7.4%

3. Reagan National Airport 5.4%

4. Raleigh-Durham International Airport 4.3%

5. Cleveland Hopkins International Airport 3.7%

6. Pittsburgh International Airport 3.7%

7. Philadelphia International Airport 3.6%

8. Boston Logan International Airport 3.6%

9. John F.Kennedy International Airport 3.5%

10. Charlotte Douglas International Airport 3.4%

Эх сурвалж: www.flightAware.com