.jpg)
Уганда улс ижил хүйстнүүдийн харилцаанд оноох ялын бодлогоо чангатгаж, зарим тохиолдолд цаазын ял оноохоор хуульчилсан тухай олон улсын хэвлэлүүд мэдээллээ. Ерөнхийлөгч Йовери Мусевений баталсан шинэ хуулиар ижил хүйстний бүхий л төрлийн харилцаа, гэрлэлтийг хориглосны зэрэгцээ ижил хүйстний харилцааг сурталчилсан бол 20 жилийн ял оноохоор заажээ. Түүнчлэн ижил хүйстний бэлгийн харилцаагаар ХДХВ/ДОХ өвчин тараасан болон насанд хүрээгүй хүүхэд, хөгжлийн бэрхшээлтэй иргэнтэй харилцаанд орсон нөхцөлд хүндрүүлэх нөхцөл гэж үзэн цаазаар авах ял оноох юм.
Тэгвэл Уганда улс ижил хүйстнүүдийн эсрэг дэлхийн хамгийн хатуу хуулийг баталсны дараа тус улсын зарим албан тушаалтнуудад визийн хязгаарлалт тавьж магадгүй талаар АНУ-ын Төрийн нарийн бичгийн дарга Антони Блинкен хэллээ.
Ерөнхийлөгч Жо Байден уг хуулийг "хүний нийтлэг эрхийг зөрчсөн үйлдэл" хэмээн эрс буруушааж, Зүүн Африкийн тус улсад үзүүлэх тусламж, хөрөнгө оруулалтыг зогсооно гэж мэдэгдсэн юм.
.jpg)
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.