ОХУ-ын Ерөнхийлөгчийн сонгуулийн санал хураалт гурван өдөр явагдаж, санал хураалтын урьдчилсан дүн гарлаа.
ОХУ-ын Сонгуулийн хороо албан ёсны дүнг өнөөдөр /2024.03.18/ зарлах юм. Өнөө өглөөний байдлаар сонгогчдын 95 хувийн саналыг тоолоход урьдчилсан дүнгээр Владимир Путин сонгогчдын 87.32 хувийн саналыг авсан бол Николай Харитонов 4.28 хувь, Владислав Даванков 3.85 хувь, Леонид Слуцкий 3.15 хувийн саналыг авчээ.
Владимир Путин рекорд тогтоосон 87.32 хувийн дэмжлэгийг аван ОХУ-ын Ерөнхийлөгчөөр тав дахь удаагаа сонгогдлоо. Сонгуулийн ирц 74.22 хувьтай байжээ. В.Путин Чеченьд хамгийн өндөр дэмжлэгийг авсан бол Омскт Оросын бусад муж улсаасаа хамгийн бага дэмжлэгийг авсан байна.
Владимир Путины өрсөлдөгч нар нийт дүнгээрээ 12 хувиас бага санал авчээ. Путинд хамгийн олон хүн саналаа өгсөн Чеченьд гэхэд тус улсын иргэдийн 98.99 хувь нь одоогийн Ерөнхийлөгчөө дэмжсэн байна. Мөн Кемерово мужид иргэдийн 95.73 хувь, Тувад 95.37 хувь нь Путиныг дэмжсэн байна. Москвад тэрбээр оршин суугчдын 85.57 хувийн саналыг авчээ. Эдгээр мужид саналын хуудсыг 100 хувь тоолсон байна.
Тэгвэл 25 мянга гаруй саналын хуудсыг хүчингүйд тооцжээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.