Монгол Улсын нийслэл Улаанбаатарт хотноо энэ сарын 24-26-нд болох жүдо бөхийн “Их Дуулга” тэмцээнд оролцохоор 25 орны 200-аад тамирчин урьдчилсан мэдүүлгээ ирүүлээд байна. Жүдогийн эх орон Японоос хамгийн хүчирхэг баг буюу 13 (эрэгтэй 7, эмэгтэй 6) жүдоч зодогдохоор өнөөдөр мэдүүлгээ өгчээ.
Наран улсаас олимпийн хоёр, дэлхийн гурван удаагийн аварга Шохэй Оно (73 кг), олимп, дэлхийн аварга Таканори Нагасэ (81 кг), дэлхийн хошой аварга Ай Шишимэ (52 кг), "Токио-2020" олимпийн хүрэл, ДАШТ-ий нэг алт, хоёр мөнгөн медальт Цүкаса Ёшида (57 кг), ДАШТ-ий алт, мөнгө, хүрэл медальт Мами Үмаки (-78 кг), ДАШТ-ий алт, мөнгөн медальт Нацүми Цүнода (48 кг), ДАШТ-ий мөнгө, хүрэл медальт Йоко Оно (70 кг), ДАШТ-ий хүрэл медальт Рюүжү Нагаяма (60 кг) гээд жүдогийн ертөнцийн өнгийг тодорхойлж, нэр алдраа цуурайтуулсан шилдгүүд ирэхээр болов.
Тэднээс гадна Косүкэ Марияма (90 кг), Кентаро Ида (-100 кг), Хиога Ота (+100 кг), Юүсэй Огава (+100 кг), Нами Набикүра (63 кг) гэсэн залуучуудын ДАШТ, Грандслам, Гранпригийн аварга жүдочид манай оронд барилдана.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.