Монголын үндэсний морин уралдаан, уяачдын холбооноос наадамд зөвхөн монгол адуу уралдуулах хууль батлуулах зорилготой тайван жагсаал зохион байгууллаа.
Уяачид нийслэлд морьтой орж ирэх гэсэн боловч морьдыг нь Баянзүрхийн товчоо болон Яармагаас дотогш нэвтрүүлээгүй байна. Ингээд цөөхөн морьтойн Төрийн ордны гадаа ирж Ерөнхийлөгч, УИХ-ын дарга8 Ерөнхий сайд нарт шаардлага хүргүүллээ.
Монголын үндэсний морин уралдаан, уяачдын холбооны Гүйцэтгэх захирал М.Ариунболд "2019 оны нэгдүгээр сард хуулийн нэмэлт өөрчлөлт оруулах санал хүргүүлсэн ч гурван Шадар сайдын нүүр үзэж байна. Монгол наадмын утга мөн чанарыг алдагдуулсан хууль батлах гэж буйд анхаарч үзэхийг хүсэж байна.
Үндэсний их наадамд зургаан насны зөвхөн монгол морь уралдуулах хууль батлах саналыг хүргүүлсэн ч төрийн бодлого нэг чигт байхгүйгээс уяачид бид хохирч байна. Ерөнхийлөгч монгол морьдоо л оролцуулах саналаа илэрхийлсэн ч Хууль зүйн сайд үүнийг нь дэмжихгүй байгаа бололтой. Мөн гадаадаас импортоор адуу оруулж ирэхийг хориглох, монгол адууны сэлдийг тайрч буй асуудлыг анхааралдаа авахыг хүслээ" гэлээ.
Монголын үндэсний морин уралдаан, уяачдын холбооны хэвлэл мэдээллийн дарга Н.Лутбаяр "Сэрвээ гэдэг биологийн ямар ч төрөл зүйлийн амьтанд байдаг. Гэхдээ сэрвээ гэж хэмжүүр дэлхий дээр байхгүй. Үүнийг хэмжүүрээр зааж хуулинд оруулж болохгүй. Хүний оролцоогүйгээр лазераар хэмжиж уралдуулна гэсэн Х.Нямбаатар сайдын саналыг дэмжихгүй байна" гэв.
Тод манлай уяач Б.Мөнхтөр "Сүүлийн хэдэн жил наадмын бөх, морин уралдаан ч маргаан дагуулж байна. Үндэсний их баяраа үзэж наадамчин олон баярладаг. Гэтэл энэ хуулиар монгол адуу уралдах боломжгүй болж байна. Өвөг дээдсээс ирсэн уламжлалаараа монгол адуугаа уралдуулъя гэсэн бодолтой явна" гэлээ.
Уячдын тавьж буй шаардлага:
Ерөнхийлөгчид өргөх бичигт
УИХ-ын даргад тавьж буй шаардлагад
Засгийн газарт тавьж буй шаардлагад
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.