Хууль зүйн байнгын хороо өчигдөр хуралдлаа. Энэ үеэр УИХ-ын гишүүн Т.Аюурсайхан Л.Халтар сайдыг ажлаа сайн хий, чадахгүй бол ажлаа өг гэлээ.
Тодруулбал “Дарханы зам хэзээ эхэллээ. Энэ олон жил яагаад дуусгаж чадахгүй байна вэ. Газар дээр нь ажиллахдаа заавал Ерөнхий сайдыг аваачих хэрэг байсан уу. Л.Халтар сайд аа. Энэ таны ажил. Энэ улсын Ерөнхий сайдын ажил биш. Нэг хүнийг хэд хуваах вэ. Боомт дээр очно. Өөрсдөө шийдэж чадахгүй нэг хүнийг хэд хуваадаг юм.
Засгийн газрын зарим гишүүдэд хариуцлага тооцох ёстой гэж иргэд шүүмжилж байна. Тэргүүн эгнээнд таны нэр явж байна.
Болж бүтэхгүй бол ажлаа өгөөд яв л даа, юунд нь зууралдаад байгаа юм.Сайд нар хариуцлагагүй байна. Яагаад зохицуулаад хариуцлагыг нь тооцож чаддаггүй юм. Хэзээ ашиглалтад орох юм бэ. Хэчнээн төгрөгийн зардал гарч байна вэ. Гүйцэтгэгчдээ мөнгөө өгчихсөн, нөгөө хэд нь алга болчихсон. Шүүхдэхээр хугацаа алдаад байгаа учир дахиж төсөв гаргаж байна гэсэн сураг сонслоо. Гүйцэтгэгч нараа яагаад шахаж чаддаггүй юм. Дундаа ороод алга болдог уу.
Шулуухан уучлалт гуйгаад ажлаа өгвөл яасан юм бэ” гэлээ. Дарханы замын ажлын зардал мөнгийг нь мэддэггүй Л.Халтар сайд ажилдаа яаж хандаж байгаагаа харууллаа.
Сэтгэлгүй, хариуцлагагүй хүмүүсээс болж энэ зам энэ олон жил сунжирч, иргэд амь нас, эрүүл мэнд, эд хөрөнгө, цаг хугацаагаараа хохирсоор байна. Сайд нь ажлаа өгөх болсон байна.
ҮЗЭХ:
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.