"Утсаараа нэг яриулаач" хэмээн гуйж, тусгай программ суулган 350 гаруй сая төгрөг залилсан хэргийг илрүүлжээ.
Тодруулбал М, Г, М нар дээрх байдлаар тусламж хүсэж, тусгай программ ашиглан иргэдийн интернет банканд хууль бусаар нэвтэрч дансанд байгаа мөнгийг хулгайлах, хадгаламж барьцаалан зээл авах зэргээр их хэмжээний хохирол учруулж байсныг тогтоожээ. Улмаар дээрх этгээдүүдийг баривчилж, прокурорын байгууллагаас эрүүгийн хэрэг үүсгэн яллагдагчаар татаж, холбогдох мөрдөн шалгах ажиллагаа явуулж байна.
Мөн иргэн М, Г, М нь гар утасны худалдааны төвүүдэд борлуулж гар утсануудад тус программыг суулган худалдан борлуулж байж болзошгүй нөхцөл байдал тогтоогдсон.
Иймд шинээр гар утас худалдан авч байгаа тохиолдолд бүтэн шинэчлэл хийж, өмнөх мэдээллийг устгаж байж хэрэглэх, үл таних хүнд өөрийн гар утсаа өгч ашиглуулахгүй байх зэргээр өөрийн цахим аюулгүй байдлаа хангаж, дээрх төрлийн гэмт хэргээс урьдчилан сэргийлээрэй.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.