“Эхлэл” брэнд монгол хүний хэрэглээнд тохирсон гар утсыг бүтээхээр ажиллаж байна. Гар утасны суурь системийг 100 хувь монгол программистууд бүтээж байгаагаараа онцлог юм. Монгол инженерүүдийн ур ухаан шингэсэн гар утас үйлдвэрлэхээр нийт 11 мэргэжилтэн 2 жилийн хугацаанд ажиллажээ. 16-28 насны эдгээр залуус Монголдоо үйлдвэрлэсэн гар утасны загвараа “Hulan-21” гэж нэрлэсэн бөгөөд 21 нь энэ оныг, “Hulan” гэдэг нь Чингис хааны хамгийн хайртай хатны нэрээр бэлгэджээ.
Тус утасны хамгийн дээд үнэ нь 1,5 сая төгрөг.
“Ehlel” brand нь гар утасны дагалдах хэрэгсэл чихэвч, цэнэглэгч үйлдвэрлэдэг. Гар утасны дагалдах хэрэгсэл үйлдвэрлэх явцад нь ухаалаг утас үйлдвэрлэх санал хүсэлт их ирүүлдэг байсан байна. Одоогоор, техникийн шинжилгээ төлөвлөгөө нарийн тодорхойлолтуудаа гарган судалгааны шатыг дуусгаад байгаа бөгөөд үйлдвэрлэлийн шатандаа ороход бэлэн болжээ. Түүхий эдийн хувьд, 80 хувь нь гадных, 20 хувийг дотооддоо бүтээж байгаа аж.
“Hulan-21” утас ердөө 5000 ширхэг үйлдвэрлэгдэх аж. Урдчилан захиалга хийсэн хүмүүсдээ супер 15 бэлэг бэлджээ.
“Hulan-21” утас 2021-09-21-нд хэрэглэгчдийн гарт хүргэгдэхээр төлөвлөгджээ.
Үйлдлийн систем нь хамгийн сүүлийн үеийнх “Android-11” ашиглана. Мөн монгол хэрэглэгчдийн эрэлт хэрэгцээнд тулгуурласан программууд суулгах юм. Мөн “Hulan-21”-ийг монголчуудын хийсэн аппликейшнээр баяжуулах аж. Цаашдаа тус брэндийг гадаадад гаргах зорилготой ажиллаж байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.