Зурагчин Алекс Де Мора Монгол рэпперүүдийн талаар "Straight Outta Ulaanbaatar" нэртэй баримтат кино хийжээ. Тус баримтат кинонд Big Gee, Boom T, AMG Mog G, Mrs M, Fla гэх мэт рэпперүүд орсон байна.
Алекс Де Мора тус баримтат киноны талаар "CNN" агентлагт ярилцлага өгөхдөө "Ихэнх хүмүүс Монгол Улсын талаар бодохдоо өргөн тал нутаг эсвэл хоёр бөхтэй тэмээ морь унасан хүмүүсийг төсөөлдөг. Гэхдээ тэдгээр хүмүүс хотын бүс дэх контемпорари соёлын талаар хэзээ ч бодож байгаагүй" хэмээжээ. Тэрбээр нэмж хэлэхдээ "Ийм учраас би дэлхий даяар соёлын солилцоо явагдаж буй газруудыг харуулахыг хүссэн" гэсэн юм.
Big Gee тус баримтат киноны голлох дүр болсон бөгөөд тэрбээр "CNN" агентлагт ярилцлага өгөхдөө "Монгол их олон асуудал байдаг. Нийгмийн асуудлууд, ажилгүйдэл, архидан согтуурах, авилгал гэх мэт олон зүйл бий. Засгийн Газар Монголчуудад анхаарал тавьдаггүй зөвхөн өөрсдийгөө л болгодог" хэмээжээ.
Эх сурвалж: CNN
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.