Америкийн кино академийн шагнал гардуулах ёслолын ажиллагаа үргэлжилж байна.
Өмнөд Солонгосын 73 настай жүжигчин Юн Ё Жон Оскар-ын “Шилдэг эмэгтэй туслах дүр”-ийн эзнээр тодорлоо.
Юн Ё Жон “Минари” кинонд АНУ-д цагаачилсан охиныхоо гэрбүлийг дэмжихээр БНСУ-аас ирсэн эмээгийн дүрийг бүтээжээ.
Оскарын шагнал гардуулах 93 дахь удаагийн ёслолоор Хятад гаралтай Америк найруулагч Хлоя Жао "Шилдэг найруулагч" боллоо. Тэрбээр "Нүүдэлчдийн нутаг" киногоороо энэ шагналыг хүртжээ.
"Шилдэг эрэгтэй туслах дүр" төрөлд Британийн жүжигчин Дэниэл Калуя "Judas and The Black Messiah" киноны дүрээрээ ялагч боллоо.
Харин шилдэг зохиолоор "Promising Young Woman" кино тодорсон байна. Энэ киноны зохиолыг Британийн жүжигчин Эмиральд Феннел бичиж, найруулагчаар ажиллажээ. Түүний хувьд энэ нь анхных нь найруулсан кино юм.
Оскарын шагналын "Шилдэг богино хэмжээний кино" төрөлд "Тwo Distant Strangers" кино ялагчаар тодорлоо. Энэ киног Америкийн найруулагч Трэвон Фри, Мартин Десмонд Роу нар найруулсан юм.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.