У.Хүрэлсүх гишүүн ээ! Тайван жагсаалыг үймээн болгох хүлээлт ТАНЫХ юм биш үү?

У.Хүрэлсүх гишүүн ээ! Тайван жагсаалыг үймээн болгох хүлээлт ТАНЫХ юм биш үү?

Таныг зүй бус аашилж, Монгол төрийн гал тогоог самарч хаячихаад буухаас аравхан хоногийн өмнө Ерөнхийлөгч Х.Баттулга “ҮАБЗ-ийн гурван гишүүн Монгол улсынхаа төлөө нэгдсэн. Энэ дашрамд аюулгүй байдлын зөвлөлийн хоёр гишүүндээ талархаж явдгаа илэрхийлье.” гэж МҮОНТ-д өгсөн ярилцлагын үеэр онцлов.

ҮАБЗ-ийн гурван гишүүн хамтдаа олон чухал асуудлыг шийдэж, энэ хэрээр ард түмний сэтгэлд итгэл найдвар “цогшиж” эхэлсэн байв. Иймээс танаас зөвтгөх шалтгаан хайж багагүй хугацааг өнгөрөөлөө.

Гэвч муу дур нь хvрвэл, тахиж байгаа бурхнаа босоо ороолон болгодог, сайн дураа хөдөлбөл хvн алсан яргачинг бурхан болгодог “башир арга” чинь өдөр хоног өнгөрөх бүр тодроод болдоггүй ээ.

Тайван жагсаал болсон өдөр ҮАБЗ-ийн хоёр гишүүн чинь ард түмэндээ хандаж үгээ хэлсэн. Та харин таг. Монгол Улсын Ерөнхий сайд У.Хүрэлсүх 19.00 цагт “МЭДЭГДЭЛ” хийнэ гэхээр чинь амьсгал даран, чих тавин суусан ч танхимын хоёр сайд чинь “огцрох” өргөдөл өгч буйгаа илэрхийлээд, залуухан сайд микрофоноо шидээд гарч одсон. Та бас л ТАГ. Жагсагчид таныг хүлээсээр л байсан. Асуудлыг эргэж харвал тайван жагсаалыг үймээн болгох хүлээлт ТАНЫХ юм биш үү?

Залуус харин ухаалаг байж, талбайгаа цэвэрлээд тарсан.

Ерөнхий сайд У.Хүрэлсүх ҮАБЗ-ийн гишүүнийхээ хувиар ч тэр, цагдаа, хүчний байгууллагыг шууд удирдан чиглүүлэх эрхтэйн хувьд ард түмнийг үймээн самуунд уриалсан үйлдлийг мэдсэн юм бол яагаад нэн даруй зогсоох арга хэмжээ яагаад аваагүй вэ?

Хэрэвзээ Ерөнхийлөгч үймээн самуунд турхирсан гэж үзсэн юм бол Та хүний эрх, эрх чөлөөг хамгаалах, нийгмийн хэв журмыг бэхжүүлэх, гэмт хэргээс урьдчилан сэргийлэх, хууль тогтоомжийн биелэлтийг Монгол улсын нутаг дэсгэрт хэрэгжүүлэх эрхээсээ яагаад татгалзсан бэ?   

Монгол Улсын Засгийн газрын тухай хуулийн 14.7-д “Нийгмийн хэв журмыг сахин хамгаалах, гэмт хэрэгтэй тэмцэх, урьдчилан сэргийлэх арга хэмжээ авна.”

Таны хэлсэнчлэн улс оронд аюултай нөхцөл байдал үүссэн юм бол ҮАБЗ-ийг нэн яаралтай горимоор хуралдуулах санал гаргах байтал, эсрэгээрээ чуулганы танхимд хоолой чичрүүлж зогссон. Энэ бүгдээс харахад таны дээрх үйлдэл ҮАБЗ-ийн тэргүүнийг гүтгэсэн, улстөрийн тогтворгүй байдалд хөтөлсөн.

Та Монголын төрөөс, Монголын ард түмний нийтлэг эрх ашгаас урвасан “УРВАГЧ” ажээ.

Танд төрийн хар хүний эрдэм, эр хүний жудаг, цэрэг эрийн андгай аль аль нь байсангүй. Түүх шүүх өдөр ирэхэд...