С.Ганбаатар гишүүний биед хийсэн удаа дараагийн давтан шинжилгээгээр эрхтэн системийн өөрчлөлт, бодисын солилцооны хямралууд гарсан тул эмнэлэгт зайлшгүй хэвтэн эмчлэх шаардлага гарлаа

Эрүүл мэндийн сайдын 233 дугаар тушаалаар өлсгөлөн зарлаж, тэмцэж байгаа АН-ын бүлгийн гишүүдэд эрүүл мэндийн хяналт тавьж байгаа СБД-ийн Эрүүл мэндийн төвийн эмч нарын багаас УИХ-ын гишүүн С.Ганбаатарын биеийн байдал цаашид өлсгөлөнг үргэлжлүүлэх боломжгүй болсныг хэллээ. 

С.Ганбаатар гишүүний биед хийсэн удаа дараагийн давтан шинжилгээгээр эрхтэн системийн өөрчлөлт, бодисын солилцооны хямралууд гарсан тул эмнэлэгт зайлшгүй хэвтэн эмчлэх шаардлага гарлаа хэмээн эмчийн дүгнэлтийг өөрт нь дуулгалаа. Эрүүл мэндийн талаар хувь хүний нууцтай холбоотой тул дэлгэрэнгүй хэлэх боломжгүй. Эрсдлийн үнэлгээ хийгээд зайлшүй хэвтэн эмчлүүлэх хэрэгтэй гэсэн шаардалагыг тавьж байна.

С.Ганбаатар: Эмч нартаа баярлалаа. Энэ хүмүүсийнхээ хөдөлмөрийг хүндэлж, биднийг хайрлаж байгааг хараад баярладаг. Нуугаад байх юм байхгүй. Сахар унасан байна гэсэн. Өөр юмнууд хэлсэн, тэрийг нь санахгүй байна. Биднийг хоол идсэн гэж гүтгэж, тавлаж, доромжилж байгаа Монгол ахан дүүс ээ! Би та нарын ирээдүйн төлөө явж байгаа юм аа. Та нарыг ажилтай, орлоготой болгох гэж тэмцэж байгаа. Оюутолгой, Тавантолгой, Эрдэнэт, Рио Тинтогоос Монголчуудын хүртэх ёстой хөрөнгийг хулгайлаад сууж байгаа У.Хүрэлсүх ээ, МАН-ын орой дээр байгаа мафийн толгойлогч нар аа! Та нарыг Монголын ард түмнийг хүндэтгэ гэж энэ өлсгөлөнг зарлаж байгаа. Та нар хөлсний троллуудаар аа, хоол идсэн гэж доромжлуулж суух та нарт цөвтэй шүү. Би өөрийн эрх чөлөөгөө эдэлж, эндээ үлдэнэ. Намайг болиулья гэж бодож багйаа бол У.Хүрэлсүхэд очиж хэл л дээ. Монголчуудын сонгох, сонгогдох эрхийг битгий дээрэмд л дээ. Тэр хүн чинь сонгууль болохоос өмнө ХААН болчихсон байна шүү дээ. Болиоч ээ! 

Босоо Ганбаатар босоо хэвээрээ байнаа. Битгий санаа зов. Босоо Ганбааг хэвтээ гэж хэлүүлмээр байгаа юм уу? Удаан өлсгөлөн байхаар хүн сэтгэл хөдлөлөө хянахаа больдог. Тэд намайг "Ганбаатар согтуу байсан" гэж хэлэх гэж байгаа юм. Хоол идсэн гэж хэлж байгаа хүмүүс ингэж хэлэхэд амархан. Энэ олон доромжлол, гүтгэлэг намайг улам дайчин болгодог. Оюутан цагийн орлогогүй, ядарч явсан тэр амьдарлаа бодож би өнөөдөр тэмцэгч болсон. Орлогогүй, ажилгүй олон залуучуудын төлөө би өнөөдөр тэмцэж байгаа. Монголын баялгийг МАН-ын оройд суусан хүмүүс гадныхантай нийлж цөлмөж байгаа учраас Монгол залуучууд ядарч яваа. Үүнийг зогсоохын төлөө бид яваа. 

Эцэст нь, Монголын ард түмэн УИХ-ын гишүүдийг жаргаарай, баяжаарай, тендэр аваарай гэж явуулдаггүй. Харин биднийг жаргаагаарай, баяжуулаарай, үүний төлөө биеэ зовоогоорой гэж сонгож явуулдаг. Бид энд ажлаа л хийж байна.